i love you alaa >> sure el7ll

بقت موضه !!!!!!!

كل ما افتح بروفيل حد علي الفيس الاقيه كاتب بحبك يا رب ..

طبعا هتقولوا .. (( طيب و ايه الي مزعلك دي حاجه حلوه ))

اقولكوا طبعا دي حاجه حلوه و حلوه جدا كمان .. لكن الي مزعلني .. الي تلاقيها حاطه صورها

مع ولاد و لابسه الي هي عاوزاه .. وعايشه حياتها ..

وكاتبه I love Alaah

طيب يا بنتي الله يهديكي .. هو الكلمه دي معناها ايه ؟؟

ماهو لو انتي بتحبي ربنا بجد .. اقل حاجه تسمعي كلامه .. اقل اقل حاجه تتحجبي عدل

ولا هو كل واحد يعمل الي علي مزاجه و في الاخر عشان يرضي ضميره يكتب بحبك يا رب

و تلاقي كاتبه استاتوس علي الفيس بوك .. (( اللهم اهدنا فيمن هديت ))

طيب ماهو (( (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

يعني الي فعلا عاوزه ربنا يهديها تبدأ في التقرب من ربنا

وتدعي.. و ربنا يهديها ..

يعني الفكره الي عاوزه اوصلها هي ان

الدين مش موضه و لا لوجو .. و لا صوره حلوه للفيس

انما ده دينا و عقدتنا ..

مش حاجه للهزار او الموضه ..

و محدش يقولي دي بدايه

عشان عمر ما البدايه كانت

بالكلام

انما بالافعال ..

بس :D

((20/05/10))

((مجله حجاب فاشون))

لعنه بكل ما تحمل الكلمه من معان..

لعنه و اكبر لعنه في عالم الازياء و الملابس..

لعنه تدعي ((الاناقه في عالم المحجاب))

ولمن لا يعلمها..((رغم اني لا اعتقد ذلك)) ..هي بكل بساطه مجله شهريه تصدر بها كل ما يجعل حجابك انيق..((هكذا يقولون))

انما الحقيقه هي انها تصدر كل ما يجعل حجابك غير شرعي..و يكون زينه..و يكون ملفت .. و م الاخر((تكون قله احسن))

مجله حجاب فاشون.. بتوري البنات و تعلمهم..اذاي ممكن تبقي بنوته لابسه كل ما يحلو لكي من الملابس و الالوان و الاكسسوارات..

وفي النهايه تحط ((قماشه)) علي شعرها..و بذلك تكون محجبه((مودرن)) و طبعا في المجله بيفهمومها انها داخله((الفردوس الاعلي))

وانها كده لا تختلف عن اي صحابيه.. و ان الفرق بينها و بين البنت المحترمه ان البنت المحترمه ((معقده)) و مش((كول)) بينما هي كده..!!

وكمان هي ناصحه و انصح من البنات ((المعقدين)) فهي ال((ناصحه)) جمعت بين الالتزام و التدين و الاناقه,, بينما هن جمعن بين الاالتزام و التدين بس((ونسين)) الاناقه..متخلفات..ياي..


يا فتيات المسلمين..اتقين الله.. بالله عليكم ده كلام يدخل عقل واحده((مثقفه))؟؟

يعني ازاي واحده تلبس ((كارينا)) و تقول محجبه؟؟

كده في شرط من شروط الحجاب وقع..((لا يصف و لا يشف))

والكارينا مشاء الله يصف و سعات بيبقي شفاف و يبين الي تحته...

و ((الكوليه)) الي يبقي اد كده و مليان غرز و شكله ملفت جدا..

برده وقع شرط((الا يكون زينه في نفسه))

و ربطات الايشارب مشاء الله..((السبانش)) بجد وهميه تلاقيها يادوب مغطيه شعرها بالعافيه..و سعات مش كله.. وتقول لك

الله انا محجبه..و محتشرمه كمان.. مش عارفه ازاي يعني؟؟


يبقي ازاي ده يبقي حجاب نقابل بيه ربنا؟؟؟؟؟؟؟؟؟؟؟؟

هؤلاء لا يطلق عليهم محجبات.. انما ................مأشربات.............

لانهن لا يرتدين حجاب انما يرتدين ايشارب..

بجد يا بنات بلاش نقلد و نبقي عمي.. و حاسبين اننا كده ناس جامده.. و احنا في الحقيقه بيضحك علينا و بيلتبس علينا دينا..

>

((08/02/09)))

استغفر الله العظيم ..

ايه الصوره دي ..

مش ممكن الفاحشه كده في مدونتي علني..

مش مهم الصوره خليكوا مركزين في الكلام..

اولا : احنا ضحكنا كتير و المدونه قلبت-في الاونه الاخيره- ركزوا علي الاونه دي اوي

ضحك و هزار و ((هبل)) .. و كده الغرض من المدونه .. ما بيطبقش..

وقلنا صغيره و سكتنا .. لكن حاليا بقيت 18 سنه .. ما ينفعش بقي

عشان كده قررت اعمل موضوع حلو كده و صغنتوت..

وحساس جدا .. وممكن اخسر ناس كتير بسببه ..

احم .. ندخل في الموضوع ..

الموضوع الي هتكلم فيه .. والي اثار -ومازال- يثير جدل الكثير ..

هو الاختلااااط..

ثواني محدش يضرب ....

هنتكلم براحه ..

مبدأيا ..

ايه هو الاختلاط: الاختلاط يعني اجتماع الرجال والنساء في مكان واحد ، وامتزاج بعضهم في بعض ، ودخول بعضهم في بعض ، ومزاحمة بعضهم لبعض.. خلاص ادي اول حاجه ..

مبديأ .. مافيش اي خلاف لحد هنا .. ((حطوا خط تحت لحد هنا ))


ثانيا: مش هتكلم عن معني الاختلاط ده .. عشان ماجيش حد (ظريف) يقول لي يا ست انتي بتفتي .. يعني محدش يركب مواصلات ومحدش يشتري من بياعين و ..والخ.. و الكلام اللطتشيف ده ..

ما انتوا عارفين الحجج الغبيه البلهاء ال.. ماعلينا

عشان كده هدخل في الحساس اكتر من ده ..

انا بقي عاوزه اتكلم عن الكلام بين اي ولد و بنت ..

((مش من محارمه يا اذكيه يعني ))

يعني اي علاقه بين اي ولد و بنت سوا (( صداقه .. زماله .. جيره .. ارتباط عاطفي-وده الاسوأ- كده يعني ..))

بصوا انا عاوزه اقول حاجه.. مافيش حاجه في الدين اسمها .. بكلم ولد في كلام محترم ..

لا مااااااافيش حاجه اسمها كده خالص مالص ..

وانا مابقبلش اي حد يقول لي حلال او حرام غير بدليل .. و دليل صحيح كمان ..

لذلك يا حرام الناس الي بتقول ان كده حلال .. مساكين كلامهم مش داخل دماغي .. عشان مافيش دليل..

انا بقي بكلم الناس الي معاهم دليل .. بس فاهمينه غلط ..

الدليل الاول : الايه الي بتقول (( وجعلناكم شعوبا و قبائل لتعارفوا))

الايه اهي .. في ناس دمهمم شربات مش ممكن علي خفه دمهم .. يقولوا لك ايه

اهو ربنا قالنا ((جعلناكم شعوبا و قبائل لتعارفوا)) شات يعني ..

بالله عليكوا في خفه دم اكتر من دي ؟؟

ماكملش الايه الظريف ده..

الايه بقيتها بتقول ((وجعلناكم شعوبا و قبائل لتعارفوا ان اكرمك عند الله اتقاكم ..))

فين التعارف هنا بقي..

دي نقطه ..

النقطه التانيه : دليل بتاع ((و اذا سالتموهن فاسألوهن من وراء حجاب))

يقولوا لك الي دمهم خفيف برده .. و ظرفاااء ..

ان الايه دي دليل قوي و صريح علي صداقه النت .. ماهو من وراء حجاب

ظرفاء اوي ..

الاظرف بقي الي هيصعقهم ..

ربنا سبحانه و تعالي ..

كان يقصد في الايه دي ..

انه بيتكلم عن النقاب ..

يعني المؤمنات يرتدين النقاب..

بصوا الاسلام بيتكلم في ايه..

وهما يقولوا لك صداقه نت ..



- كمان نقطه كمان .. (النهارده يوم منقط ))

لما واحده سخيفه هبله -سوري يا بنات-

تقول لك انا بكلم الولاد في كلام محترم مافيش كلام خارج ..

هرد عليها بتلات حاجات ..

الاول: مافيش دليل عندك بيقول ان ربنا جل جلاله .. قال ان حلال الكلام مادام في اطار الادب .. ماشي..

التاني:ان شور -وانتوا عارفين اكتر مني- مافيش اي علاقه بتكون بريئه الا ما بتطور .. مش لازم تطور يعني غلط كبير..

انما اي تطور .. يا اما هو مره الولد هيقول كلام مش كويس و سط الكلام الكويس .. ومش هينفع تقولي له حاجه ..

او هتحبيه او تعجبي وكده ..

التالت: هو احنا بقينا بنأخد كل الامور و بنقيسها باطار الادب و المنطق و العرف و التقاليد .. و نسينا اهم و احلي مقياس و هو مقياس الدين ؟؟

بصراحه .. انا محبطه من تفكير الشباب .. 99.9%

بيفكروا بغرابه -وظرف- زي ما انتوا شايفين..

هتلاقوا من ده كتير ..

يربطوا حاجات مالهاش دعوه ببعض ..

وادله غلط ..

وادله مالهاش وجود..

وحاجه تشبه طبق رز بالكريما ..

حسبي الله و نعم الوكيل ..

بصوا بقي ..

انا عارفه ان طريقه توصيلي لوجه نظري..

غريبه .. و مش مرتبه ..

لكن ياريت حد -حتي لو واحد- يكون فكر لحظه في كلامي ..

يا جماعه و الله الي احنا -معشر البنات- بنعمله مش بيجيب فايده ..

بمعني .. ان لما واحده ترتبط بواحد .. بتبقي فاكره ان كده خلاص..

هيخلص السنه دي في الكليه .. و سنه جيش .. و هو عنده شقه و عربيه و موبيل و كوتشي كونفرس ..

وخلاص هيجي يتقدم لها .. وهتعيش حياه هانئه .. و هتخلف بيبي -متخلف- قصدي عسل .. و تربيه .. و يطلع جسمه قوي عشان بياكل جبنه لافاش كيريه .. ومثلث الطاقه المتكامل في الجبنه هيطلع له عضلات من سن 4 شهور.. و مش عارفه ايه ..

انا عاوزه اقول رد واحد للي تفكر كده .. رد بعيد عن الدين عشان محدش يكرهني ..

كلمه في منتهي الجمال انا مؤمنه بيها جدا ..

وهي .. ان محدش هيتجوز مرات حد ..

يعني لو ربنا كاتب لك تتجوزي فرغلي .. عمرك ما هتتجوزي حسني مكانه ..

فا خلاص نتعب نفسنا ليه .. اريح حاجه نعد في بيت بابي

حاتين رجل علي رجل .. لحد ما فرغلي يجي .. قصدي عريسنا يعني


خلاص .. لحد هنا شبه خلصت -نص- الي عندي ..

في حد فهم حاجه ؟؟

انا عن نفسي لا
...




ايه الرغي ده ... الساعه دلوقتي 2 و نص .. لازم انام بقي عشان عيني و ايدي وجعوني اوووووووي


المهم يا رب حد يفهم حاجه من الكلام الكتير الي فوق ده .. و الاكتر يا رب حد يؤمن بيه ولو للحظه -حتي لو بعد كده حسه غلط-
اللحظه دي هتبقي مهمه عندي ..

كلمه اخيره لاي بنت .. حاولوا تبقوا غالين مش اي حاجه كده .. ((الموضوع ده هنتكلم عنه بالتفصيل بعدين))

سلام ..


(((14/03/09))

ماتهنيش نفسك

بسم الله






اكتب هذا الموضوع وانا متضايقة جداً وزعلانة جدا جدا

وعاوزة اكتبه من زمان

وحاولت اكتبه كذا مرة

بس فاضل الكيل بقى

بقول كل بنت ... (ارجوكى متهينيش نفسك)

وانا كتير من الكلام اللى هكتبه استحى منه جداً ... ولكن الدين النصيحة

بجد مكسوفة وانا بكتب

لما اكون ماشية فى الشارع واسمع اتنين شباب بيتكلموا وواحد بيقول للتانى

- اوعى ولا فى حتة بنت ... تعالى نشوفها ...
- فين دى ... اه .... اوبااا ... ياسلام لو الهوا يزيد شوية ويرفع بقية الهدوم دى ...


بجد اى حد يقرأ الكلام ده يسامحنى ....

بس انا متضايقة جداً ...

بتخيل لو اى بنت بتلبس لبس ضيق ... او مش ملتزمة بحجابها الشرعى عرفت او سمعت اللى بيتقال عليها كده وهى ماشية فى حالا(محترمة) ملهاش دعوة بحد ولا بتكلم حد

هيكون احساسك ايه ؟؟

هيكون شعورك ايه لما يتقال عليكى ...

بجد مش قادرة استوعب

مش بتتفرجى على نفسك قبل ماتنزلى م البيت وتحسى انك بتلفتى نظر الناس كده

اه بتحسى انك زى القمر مفيش زيك

بس الناس بره بيشوفوكى رخيصة ... رخيصة .. رخيصة

الناس بتكون واقفة فى الشارع بتتفرج عليكى وبتفصل فيكى حتة حتة

مش مكسوفة ... مش بتحسى ان فى حاجة غلط ...
مش بتحسى انك عاوزة تروحى بيتكم ومتخرجيش لو حصلت حاجة زى كده


بتحضرنى كلمة (كاسيات عاريات)

انتى حتى لو محجبة وبتبقى لابسة ومغطية كل حاجة ... بس انتى للأسف كاشفة كل حاجة

مش قادرة اوصف لكم احساسى بالغيرة

بحس انى عاوزة امشى معايا شنطة هدوم .... وكل واحدة مش لابسة لبس كويس تاخد وتلبس

والكارثة والمصيبة ...

انى بقيت بغض بصرى لانى معدتش بقدر استحمل الوضع ده

كده كتيــــــــــــــــــــــــــــــــــــــــــــــــر اوى

ــــــــــــــــــ

موقف تانى

بس اخف شوية .... ركبة مواصلة .. وفاضية الحمد لله

وبنت واقفة اوتنزل او حاجة كده ...

المهم 3 شباب قاعدين بيتكلموا عليها وبيضحكوا ويتريقوا

بجد يابنتى

متهينيش نفسك

بجد متركبيش حاجة زحمة وتقول لى فى الآخر (مجتمع ذكورى حقير )

لا

سامحينى انتى اللى غلطانة

انتى بتبقى ماشية فى الشارع بتخلى اللى مايشترى يتفرج عليكى

ومش بس يتفرج ... فيه بيتفرج وفيه بيتكلم .... وللأسف فيه بيتحرش كمان

ـــــــــــــــــــــ

عاوزة اكتر من كده عشان تحترمى نفسك

عشان لما تلبسى لبس يكون (ساتر) ليكى يحفظك وتقابلى بيه ربنا

عاوزة يحصل لك ايه عشان تلبسى لبس فى مصلحتك

مستنية تتعاكسى .... انتى فعلا بتتعاكسى

مستنية الشباب يتكلموا عنك ... اتطمنى خالص هم فعلاً بيتكلموا عنك

مستنية يضايقوكى بالأفعال ويجروا وراكى ويكلموكى

والله وكأن واحد واقف بعربية حاجة بتتاكل فى الشارع ... وببلاش
كل واحد يجرب طعمها .... ياخد منها حتة ويبص لها باستهزاء ... ويمشى

ترضى تكونى كده ؟؟؟

ـــــــــــــــ
ــــــــــــــــــ

استحلفك بالله

بصى لنفسك فى المراية قبل ماتنزلى ...

واسترى نفسك

متلبسيش بنطلون الا لما يكون عليه حاجة طويلة جدا لحد الحذاء كده

متلبسيش عباية فظيعة ومعاها ايشارب قصير .. خليه ساتر ارجوكى ..

متلبسيش قطعتين واحدة منهم مفيش فرق بينها وبين الجسم وتقولى ده بكم

متلبسيش 500 ايشرب كلهم مش مغطيينك
واحد بس كفاية ويكون ساتر

متلبسيش بنطلون وتقولى عشان المواصلات ... لانك مش هتصدقى نفسك

بلاش شبشب ... خليها حاجة ساترة برضو

مش عارفة اقولك ايه



اولاً ... سامحينى يا اى واحدة هتقرأى الكلام ده

انا بغير عليكى

بجد بغير عليكى

وبحبك كمان زى اختى

وثانيا

متهينيش نفسك

لانك انتى اللى هتخسرى فى الآخر

>>

بصراحه مش كلامي

منقول من هنا

منتدي شمساوي

بسم الله ابدأ

هذه المدونه اهداء مني لديني العظيم "الاسلام" ..

((ومهما اهديت مش هوفيك عظمتك))