مبدأيا سبحان الله عمري ما انتبهت ليها ولا لفتت انتباهي اصلاً و لا تخيلت انها مفيده
لحد ما - سبحان الله برضه - اخويا الصغير اشتراها و بقدره الله وحده لقيتها عندي علي مكتبي
ف البدايه برضه تجاهلتها و مهتمتش وبعد كده بدأت اشوف هي بتستخدم ف ايه !!!
ف الاول كنت بفضل لابساها ف ايدي و اعد اي حاجه بيها بما اني ماشاء الله بوفر صحتي و جهدي :D
بس بعد كده اكتشفت انها مذهله ف التشجيع لذكر الله جداً ..
طبعاً لن ننسي انه الفضل الاكبر في التسبيح يكون علي اليد
لما روى أبو داود والترمذي عن يسيرة رضي الله عنها: أن النبي صلى الله عليه وسلم أمرهن أن يراعين بالتكبير والتقديس والتهليل، وأن يعقدن بالأنامل، فإنهن مسؤولات مستنطقات. هذا لفظ أبي داود وهو حديث صحيح، وفي لفظ له وللترمذي: واعقدن بالأنامل.
*المصدر*
ولكن الفكره في هذه الآله انها بتشجع الواحد جدا جدا بما ان الواحد بيشوف انجازه ف الاخر و يقدر يحدد لنفسه كم معين
و يعرف يوصل له بدقه
وكمان طول ما احنا لابسينها بتفكرنا بالذكر... حدث اني مره كنت ماسكاها ف ايدي و كنت طالعه سلم فا افتكرت ذكر طلوع السلم
والي عمري ما قلته ف حياتي :))
عن جابر رضي الله عنه قال:
[ كـُـنـّا إذا صعدنا كبـَّرنا، وإذا نزلنا سبَّحْـنا] ((رواه البخاري)).
-مع الوقت هنلاقي ان الذكر بقي هو الشيء الطبيعي و بعد ما الهدف انك تخلص 1000 مره بقي يوصل لـ 10000 مره :)
وممكن تصحي ف وسط الليل تدور علي المسبحه دي عشان تخلص شويه من الي عليك و ترجع تنام تاني :)
-ومع الوقت هنلاقي انه لما نحط هدف كبير نوصل له بدل ما كنا بنتكلم طول الوقت ف اي كلام بقينا ممكن نسكت عشان عاوزين
نخلص الهدف الي حطناه لنفسنا و نلاقي اننا بنتكلم ف المفيد بس :)
مش دعوه انك تبقي مسلم ثقيل الظل انما دعوه انك تبقي مسلم يراعي كلامه و يتكلم ف المفيد
وَهَلْ يَكُبُّ النَّاسَ في النَّارِ على وُجُوهِهِمْ إِلاَّ حَصَائِدُ ألْسِنَتِهِمْ؟ *
-وبرضه مع الوقت هنلاقي انه كلما ذكرنا الله اكثر كلما تكاتفت الدنيا عشان تضايقنا اكتر ،، و ده هيدل علي اننا نسير ف الطريق الصحيح #الحمد لله :)
-و اول ما نلاقي سؤال - هو ازاي اسبح واذكر الله كثير و تبقي حياتي كده - جيه علي بالنا ،، مبروك انت ع الطريق الصحيح ــ استمر و لا تبالي بوسوسه الشيطان :)
- بعد فتره لما لسانك سيعتاد الذكر و خصوصاً الاستغفار ستخجل من أن تعصي الله الذي تذكره طوال الوقت :)
وطبيعي عندما يدخل الذكر قلبك بالتبعيه ستخرج المعصيه و حب الدنيا :)
- الخلاصه اننا بسبب مشاغل الحياه و ضعف نفوسنا اصبحنا ننسي الذكر بشكل كبير رغم انه لو انتبهنا و جعلنا الذكر
شيء اساسي في حياتنا سننعم براحه البال و البركه و الاسترخاء ما نحن ف حاجه اليه :)
بعض الذكر
1- الاستغفار : قال تعالى:
(( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) ))
*فضائله*
2- {أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ}
لم يدع بها مسلم ربه في شيء قط إلا استجاب له"
*المصدر*
3-: قَالَ رَسُولُ اللَّهِ صَلَّى اللَّهِ عَلَيْهِ وَسَلَّمَ : " كَلِمَتَانِ خَفِيفَتَانِ عَلَى اللِّسَانِ ثَقِيلَتَانِ فِي الْمِيزَانِ حَبِيبَتَانِ إِلَى الرَّحْمَنِ : سُبْحَانَ اللَّهِ ، وبِحَمْدِهِ سُبْحَانَ اللَّهِ الْعَظِيمِ " .
*المصدر *
وهكذا يعني :)
ملاحظات ابتهاليه : 1- الصوره مش تصويري لان اكيد تصويري هيكون افضل من كده #مغروره لكنها الحقيقه :D
2- ده بعض الذكر ــ وعلي من يجد شيء اخر ان يقول لي :)
3- ياريت الي يقرا الموضوع ده مش مهم يرد عليه قد ما مهم - ودي امانه - انه ينشره الواحد ف عرض حسنه *_*
وجزاكم الله خيرا ،، وفقنا الله لما يحب و يرضي و هدانا صراطه المستقيم :)
ليست هناك تعليقات:
إرسال تعليق