سؤال صغير اوي اوي .

لما حد يقول لك الدينيين ما يتكلموش عن السياسه و كل واحد يتكلم عن مجاله ..

يعني ده معناه منشفش اي حد يتكلم عن السياسه غير خريجي .. سياسه واقتصاد .. و حقوق؟؟؟

انا موافقه لو طُبقت علي كله ..!!!

*****
2- دلوقتي يحيى الجمل غلط في ذات الله - بالاجماع من كل الناس-

و حازم شومان غلط ف البرادعي ..

ازاي نهاجم ده و نسيب ده ؟؟

بل و بعض الاشخاص - المسلمين- دافعوا عنه - الجمل طبعا مش شومان -

*****

لو حد من المسلمين - او الاخوان و السلفيين خاصه - غلط .. بنكبر غلطاته و نشهر بيه ..

في حين لو مسيحي .. غلط بنعديها له .. ((يا راجل الكمال لله ))

لـــيه؟؟!!
*****
الناس فاهمه ان السلفيين هيمسكوا الحكم من هنا - ده لو مسكوا مع ان رموز كتير فيهم قالوا انهم مش هيترشحوا -

لو فرضا يعني مسكوا الحكم الناس فاكره اننا هنرجع تاني لعهد الرسول صلى الله عليه وسلم- يا ريت -

و مش بعيد نركب الجمال تاني .. و احنا البنات نركب الهودج و احنا رايحين الكليه .. ده لو فضلت يعني ..

والشتايم ف الشارع هتبقي - ثكلتك امك .. و الحلفان هيبقي ورب العزه ..

وفكس رهيييب ..

مين الي وصل لكوا الفكره دي ؟؟!!!

******

ما يحسبش بوست ده

اكتر كلمه سمعتها و ضحكتني ف حياتي ...

(( النقاب بدعه ))

مش ناقص غير ان الاسلام مٌحرف ..

يا رب ارحمني ..

والله من الناس دي

سعات كنت بتمني ابقي

متخلفه عقليا و لا اني اسمع و افهم الكلان ده

ربنا ينتقم من هادمي الدين

برضه وانا بذاكر كتاب السيره النهارده - قبل امتحاني بساعتين - ..

لفتت انتباهي الجمله دي .. - او يعني الفقره دي -

" خلال العام الاول من الهجره أسلم نفر من يهود المدينه .. وحسن اسلامهم .. لكن بعضهم ((ارتد )) عندما تحولت قبله الصلاه من بيت المقدس الي مكه .. "

لما قريت الجمله دي - رغم اني عارفاها من زمان - و رغم اني قريتها كتير اليومين دول - عشان بذاكر يعني و كده -

الا اني لما قريتها النهارده .. حسيت ان الزمن بيعيد نفسه و لكن المره دي ..

المكان : جمهوريه مصر العربيه ...

الزمان : 2011 و - تحديدا - شهر مارس ..

برضه اول ما التعديلات جات بنعم .. الناس انقلبت علي اعقابها .. و بقوا بينضحوا قله ادب علي الاسلام بجهل شديد .. و حاسبين انفسهم بهذا انهم - بيشتموا - في جماعه بعينها او في اشخاص بعينهم غير عالمين .. انهم بذلك قد تعرضوا للاسلام - استغفر الله العظيم -

وكل ما تيجي تكلم حد .. يفهمك انه حفيد النبي و ان انا حفيده ابو جهل - شخصيا - .. واني - اكيد - ينقصني قرنين و شوكه و اكون صوره طبق الاصل من الشيطان - شخصيا برضه -

ارجو من كل واحد قبل ما يتكلم كلمه واحده .. سوا عن شخص بعينه .. فئه بعينها .. ان شا الله جماد ..

يراعي بس ادب الحوار .. و يراعي - قبل ادب الحوار - ان ما يلفظ من قول الا لديه رقيب عتيد ..

و إن العبد ليتكلم بالكلمة من سخط الله لا يلقي لها بالاً تهوي به في نار جنم...

---

و كل واحد قال كلمه غلط ف حق الدين .. بقوله ..أفرح بشبابك ..و حسبي الله و نعم الوكيل فيك ..

منــــقول

الحمد لله والصلاة والسلام على رسول الله صلى الله عليه آله وسلم ,,,,,,, أما بعد عاوز أكلمكم عن الموت لان أنا لاول مره فى حياتى منذ خلقنى الله أفقد حد غالى عليا بالأمس مات واحد من أعز أصدقائى (( رحمه الله رحمة واسعه )) سافر سفره الاخير وعنده كام سنه ؟؟؟؟؟؟ 22 سنه يا جماعه فى عز شبابه ما شاء الله كان صحه وجسم وقوه وشباب و........... كل ده راح فين بقى تحت التراب ... لا كلام .. ولا حركه .. ولا نطق .. ولا ولا ولا ياترى رأيك ايه ؟؟ لسه بتقول لى هتوب بكره ؟ وزى ما الناس بتقول ما كانش تعبان ولا كان فى المستشفى ولا ......... مفيش اى سبب ظاهر كان فى عمله ووقع عليه سلك كهربا قتله .... (( ربنا يغفر له ويرحمه )) يا شباب اعتبر نفسك مكانه كنت هتروح لربك تقول له ايه .. ياما واحد دعاك لطريق الله وانت تقول له ادعيلى ... يا شباب موت الفجأه بقى أكتر ظاهره منتشره اليومين دول ؟؟ بنادى كل اللى بيسمع أغانى ومش قادر يفارقها .. روح قابل ربك وغنى له ..ها ايه رأيك تقدر ؟؟ ينفع يعنى ؟؟ طب ليه مش عاوز تبعد عنها يا اللى بتدور ليل نهار عالشات على واحده تكلمها و.................... ابقى خدها فى ايدك وانت رايح تتحاسب قول لربنا اصلى كنت بحبها .؟؟ ها ينفع ؟!!! يا اللى ليل نهار عالمواقع الاباحيه !!! هتقول لربنا ايه على عمرك ووقتك وشبابك ؟!! منظر الجنازه امبارح كان مهيب وبالذات ان والد صاحبى لسه ميت من كام شهر وصاحبى ده هو الكبير والولد الوحيد .. متخيلين حال بيتهم ايه ؟؟ الجنازه كلها شباب جايين يودعوا واحد كان معاهم من ساعات قليله ... ياااااااااارب ارزقنا حسن الختام يااااااااااااارب ياشباب كل واحد مأخر توبته من ذنوب هو عارفها وربه أعلم بيها يبعد عنها قبل ما الموت يفاجأه .. البنت اللى انت ماشى معاها والله لو دفعوا لها مال الدنيا كله مش هتوافق تقعد معاك فى قبرك ساعه واحده .. وهى اللى كانت بتعد معاك بالساعات وانت عايش ... اتخيل أخى اول ما تنزل قبرك وتسمع أصوات اهلك وحبايبك وهم ماشيين وراجعين وبعدها قبرك يضيق عليك !!! وبعدها تلاقى ملكان اتخيل منظرهم بالله عليك وانت هتعيش كلامى ده .. واتخيل صوت بيقول لك من ربك ؟؟ ما دينك ؟؟ من نبيك ؟؟ هترد تقول ايه ؟؟ وآآآآآآآآآآآآآآآآآآآآآآآآآه لما تسمع منهم صدقت ... أو كذبت ... انت عارف ايه اللى هيتقال لك لو مت دلوقتى ..عملك يقولك ؟؟ اسأل نفسك؟؟ وبعد ده كله يدخل عليك رجل أسود الخلقه قبيح المنظر أسود الثياب رائحته نتنه تقول له بأعلى صوتك وانت مرعوووووووووب .. انت ميــــــــــــــــــــــــــــــن ؟!!!! وآآآآآآآآآآآه من رده عليك لما يقول لك .. أنا عملك السئ ... مش كده وبس اسمع المصيبه العظمى .......... معك الى يوم القياااااااااااااااااااااااااامه ... يارب ارحمنا انت متخيل حبيبى فى الله ... ياترى ايه اللى هينجيك من ده كله ... عملك ايه يا مسكيــــــــــــــــــــــــــــــــــــــــــــــ ن !!! قدمت ايه فى دنيتك ... ياترى عندك صلاة وصيام وذكر وقران ودعوه وصبر على الاذى .. ولا رايح شايل على ظهرك أغانى عمرو وتامر وهيفا ونانسى ؟.؟؟؟؟؟ معاك غيبه ونميمه ومواقع اباحيه وبنات ومخدرات ؟؟ معاك ايه ينجيك ... اسأل نفسك ... متقراش وتهز راسك وتمشى ... لحد امتى هتعيش فى الغفله اللى انت فيها دى ؟؟ لحد ما تموت .. وبعدها تصرخ وتقول رب ارجعون ... يلا يا اخوه باب التوبه مفتوح .. أشهد الله على توبتى من كل ما يغضبه على وأسأله قبول توبتى وانتوا كمان لازم نتوب بئى كفايه كده ... ما اخبيش عليكم انا مفوقتش الا ما شوفته فى النعش قدامى وفوقت أكتر وهما بينزلوه القبر ... يارب اغفر له وارحمه وعافه واعف عنه .... اللهم اجعل قبره روضة من رياض الجنه ولا تجعله حفرة من حفر النيران ... اللهم انه شئ فاشمله برحمتك يا من رحمته وسعت كل شئ .... بالله عليكم ادعوا لاخى محمد (( رحمه الله )) ولوالده (( حسن )) رحمهما الله

i love you alaa >> sure el7ll

بقت موضه !!!!!!!

كل ما افتح بروفيل حد علي الفيس الاقيه كاتب بحبك يا رب ..

طبعا هتقولوا .. (( طيب و ايه الي مزعلك دي حاجه حلوه ))

اقولكوا طبعا دي حاجه حلوه و حلوه جدا كمان .. لكن الي مزعلني .. الي تلاقيها حاطه صورها

مع ولاد و لابسه الي هي عاوزاه .. وعايشه حياتها ..

وكاتبه I love Alaah

طيب يا بنتي الله يهديكي .. هو الكلمه دي معناها ايه ؟؟

ماهو لو انتي بتحبي ربنا بجد .. اقل حاجه تسمعي كلامه .. اقل اقل حاجه تتحجبي عدل

ولا هو كل واحد يعمل الي علي مزاجه و في الاخر عشان يرضي ضميره يكتب بحبك يا رب

و تلاقي كاتبه استاتوس علي الفيس بوك .. (( اللهم اهدنا فيمن هديت ))

طيب ماهو (( (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

يعني الي فعلا عاوزه ربنا يهديها تبدأ في التقرب من ربنا

وتدعي.. و ربنا يهديها ..

يعني الفكره الي عاوزه اوصلها هي ان

الدين مش موضه و لا لوجو .. و لا صوره حلوه للفيس

انما ده دينا و عقدتنا ..

مش حاجه للهزار او الموضه ..

و محدش يقولي دي بدايه

عشان عمر ما البدايه كانت

بالكلام

انما بالافعال ..

بس :D

((20/05/10))

((مجله حجاب فاشون))

لعنه بكل ما تحمل الكلمه من معان..

لعنه و اكبر لعنه في عالم الازياء و الملابس..

لعنه تدعي ((الاناقه في عالم المحجاب))

ولمن لا يعلمها..((رغم اني لا اعتقد ذلك)) ..هي بكل بساطه مجله شهريه تصدر بها كل ما يجعل حجابك انيق..((هكذا يقولون))

انما الحقيقه هي انها تصدر كل ما يجعل حجابك غير شرعي..و يكون زينه..و يكون ملفت .. و م الاخر((تكون قله احسن))

مجله حجاب فاشون.. بتوري البنات و تعلمهم..اذاي ممكن تبقي بنوته لابسه كل ما يحلو لكي من الملابس و الالوان و الاكسسوارات..

وفي النهايه تحط ((قماشه)) علي شعرها..و بذلك تكون محجبه((مودرن)) و طبعا في المجله بيفهمومها انها داخله((الفردوس الاعلي))

وانها كده لا تختلف عن اي صحابيه.. و ان الفرق بينها و بين البنت المحترمه ان البنت المحترمه ((معقده)) و مش((كول)) بينما هي كده..!!

وكمان هي ناصحه و انصح من البنات ((المعقدين)) فهي ال((ناصحه)) جمعت بين الالتزام و التدين و الاناقه,, بينما هن جمعن بين الاالتزام و التدين بس((ونسين)) الاناقه..متخلفات..ياي..


يا فتيات المسلمين..اتقين الله.. بالله عليكم ده كلام يدخل عقل واحده((مثقفه))؟؟

يعني ازاي واحده تلبس ((كارينا)) و تقول محجبه؟؟

كده في شرط من شروط الحجاب وقع..((لا يصف و لا يشف))

والكارينا مشاء الله يصف و سعات بيبقي شفاف و يبين الي تحته...

و ((الكوليه)) الي يبقي اد كده و مليان غرز و شكله ملفت جدا..

برده وقع شرط((الا يكون زينه في نفسه))

و ربطات الايشارب مشاء الله..((السبانش)) بجد وهميه تلاقيها يادوب مغطيه شعرها بالعافيه..و سعات مش كله.. وتقول لك

الله انا محجبه..و محتشرمه كمان.. مش عارفه ازاي يعني؟؟


يبقي ازاي ده يبقي حجاب نقابل بيه ربنا؟؟؟؟؟؟؟؟؟؟؟؟

هؤلاء لا يطلق عليهم محجبات.. انما ................مأشربات.............

لانهن لا يرتدين حجاب انما يرتدين ايشارب..

بجد يا بنات بلاش نقلد و نبقي عمي.. و حاسبين اننا كده ناس جامده.. و احنا في الحقيقه بيضحك علينا و بيلتبس علينا دينا..

>

((08/02/09)))

استغفر الله العظيم ..

ايه الصوره دي ..

مش ممكن الفاحشه كده في مدونتي علني..

مش مهم الصوره خليكوا مركزين في الكلام..

اولا : احنا ضحكنا كتير و المدونه قلبت-في الاونه الاخيره- ركزوا علي الاونه دي اوي

ضحك و هزار و ((هبل)) .. و كده الغرض من المدونه .. ما بيطبقش..

وقلنا صغيره و سكتنا .. لكن حاليا بقيت 18 سنه .. ما ينفعش بقي

عشان كده قررت اعمل موضوع حلو كده و صغنتوت..

وحساس جدا .. وممكن اخسر ناس كتير بسببه ..

احم .. ندخل في الموضوع ..

الموضوع الي هتكلم فيه .. والي اثار -ومازال- يثير جدل الكثير ..

هو الاختلااااط..

ثواني محدش يضرب ....

هنتكلم براحه ..

مبدأيا ..

ايه هو الاختلاط: الاختلاط يعني اجتماع الرجال والنساء في مكان واحد ، وامتزاج بعضهم في بعض ، ودخول بعضهم في بعض ، ومزاحمة بعضهم لبعض.. خلاص ادي اول حاجه ..

مبديأ .. مافيش اي خلاف لحد هنا .. ((حطوا خط تحت لحد هنا ))


ثانيا: مش هتكلم عن معني الاختلاط ده .. عشان ماجيش حد (ظريف) يقول لي يا ست انتي بتفتي .. يعني محدش يركب مواصلات ومحدش يشتري من بياعين و ..والخ.. و الكلام اللطتشيف ده ..

ما انتوا عارفين الحجج الغبيه البلهاء ال.. ماعلينا

عشان كده هدخل في الحساس اكتر من ده ..

انا بقي عاوزه اتكلم عن الكلام بين اي ولد و بنت ..

((مش من محارمه يا اذكيه يعني ))

يعني اي علاقه بين اي ولد و بنت سوا (( صداقه .. زماله .. جيره .. ارتباط عاطفي-وده الاسوأ- كده يعني ..))

بصوا انا عاوزه اقول حاجه.. مافيش حاجه في الدين اسمها .. بكلم ولد في كلام محترم ..

لا مااااااافيش حاجه اسمها كده خالص مالص ..

وانا مابقبلش اي حد يقول لي حلال او حرام غير بدليل .. و دليل صحيح كمان ..

لذلك يا حرام الناس الي بتقول ان كده حلال .. مساكين كلامهم مش داخل دماغي .. عشان مافيش دليل..

انا بقي بكلم الناس الي معاهم دليل .. بس فاهمينه غلط ..

الدليل الاول : الايه الي بتقول (( وجعلناكم شعوبا و قبائل لتعارفوا))

الايه اهي .. في ناس دمهمم شربات مش ممكن علي خفه دمهم .. يقولوا لك ايه

اهو ربنا قالنا ((جعلناكم شعوبا و قبائل لتعارفوا)) شات يعني ..

بالله عليكوا في خفه دم اكتر من دي ؟؟

ماكملش الايه الظريف ده..

الايه بقيتها بتقول ((وجعلناكم شعوبا و قبائل لتعارفوا ان اكرمك عند الله اتقاكم ..))

فين التعارف هنا بقي..

دي نقطه ..

النقطه التانيه : دليل بتاع ((و اذا سالتموهن فاسألوهن من وراء حجاب))

يقولوا لك الي دمهم خفيف برده .. و ظرفاااء ..

ان الايه دي دليل قوي و صريح علي صداقه النت .. ماهو من وراء حجاب

ظرفاء اوي ..

الاظرف بقي الي هيصعقهم ..

ربنا سبحانه و تعالي ..

كان يقصد في الايه دي ..

انه بيتكلم عن النقاب ..

يعني المؤمنات يرتدين النقاب..

بصوا الاسلام بيتكلم في ايه..

وهما يقولوا لك صداقه نت ..



- كمان نقطه كمان .. (النهارده يوم منقط ))

لما واحده سخيفه هبله -سوري يا بنات-

تقول لك انا بكلم الولاد في كلام محترم مافيش كلام خارج ..

هرد عليها بتلات حاجات ..

الاول: مافيش دليل عندك بيقول ان ربنا جل جلاله .. قال ان حلال الكلام مادام في اطار الادب .. ماشي..

التاني:ان شور -وانتوا عارفين اكتر مني- مافيش اي علاقه بتكون بريئه الا ما بتطور .. مش لازم تطور يعني غلط كبير..

انما اي تطور .. يا اما هو مره الولد هيقول كلام مش كويس و سط الكلام الكويس .. ومش هينفع تقولي له حاجه ..

او هتحبيه او تعجبي وكده ..

التالت: هو احنا بقينا بنأخد كل الامور و بنقيسها باطار الادب و المنطق و العرف و التقاليد .. و نسينا اهم و احلي مقياس و هو مقياس الدين ؟؟

بصراحه .. انا محبطه من تفكير الشباب .. 99.9%

بيفكروا بغرابه -وظرف- زي ما انتوا شايفين..

هتلاقوا من ده كتير ..

يربطوا حاجات مالهاش دعوه ببعض ..

وادله غلط ..

وادله مالهاش وجود..

وحاجه تشبه طبق رز بالكريما ..

حسبي الله و نعم الوكيل ..

بصوا بقي ..

انا عارفه ان طريقه توصيلي لوجه نظري..

غريبه .. و مش مرتبه ..

لكن ياريت حد -حتي لو واحد- يكون فكر لحظه في كلامي ..

يا جماعه و الله الي احنا -معشر البنات- بنعمله مش بيجيب فايده ..

بمعني .. ان لما واحده ترتبط بواحد .. بتبقي فاكره ان كده خلاص..

هيخلص السنه دي في الكليه .. و سنه جيش .. و هو عنده شقه و عربيه و موبيل و كوتشي كونفرس ..

وخلاص هيجي يتقدم لها .. وهتعيش حياه هانئه .. و هتخلف بيبي -متخلف- قصدي عسل .. و تربيه .. و يطلع جسمه قوي عشان بياكل جبنه لافاش كيريه .. ومثلث الطاقه المتكامل في الجبنه هيطلع له عضلات من سن 4 شهور.. و مش عارفه ايه ..

انا عاوزه اقول رد واحد للي تفكر كده .. رد بعيد عن الدين عشان محدش يكرهني ..

كلمه في منتهي الجمال انا مؤمنه بيها جدا ..

وهي .. ان محدش هيتجوز مرات حد ..

يعني لو ربنا كاتب لك تتجوزي فرغلي .. عمرك ما هتتجوزي حسني مكانه ..

فا خلاص نتعب نفسنا ليه .. اريح حاجه نعد في بيت بابي

حاتين رجل علي رجل .. لحد ما فرغلي يجي .. قصدي عريسنا يعني


خلاص .. لحد هنا شبه خلصت -نص- الي عندي ..

في حد فهم حاجه ؟؟

انا عن نفسي لا
...




ايه الرغي ده ... الساعه دلوقتي 2 و نص .. لازم انام بقي عشان عيني و ايدي وجعوني اوووووووي


المهم يا رب حد يفهم حاجه من الكلام الكتير الي فوق ده .. و الاكتر يا رب حد يؤمن بيه ولو للحظه -حتي لو بعد كده حسه غلط-
اللحظه دي هتبقي مهمه عندي ..

كلمه اخيره لاي بنت .. حاولوا تبقوا غالين مش اي حاجه كده .. ((الموضوع ده هنتكلم عنه بالتفصيل بعدين))

سلام ..


(((14/03/09))