"لعل العمل الذي يدخلني الجنه لم أعمله بعد"

" لعل العمل الذي يدخلني الجنه لم أعمله بعد "

إستوقفتني تلك الجُمله حين قرأتها من أحد الاخوه ،

و تسألت بيني و بين نفسي " صحيح لعل العمل الذي يُدخلني الجنه لم اعمله بعد ،، و لعلي

الان اعمل العمل الذي يُدخلني للنار - و ليعاذ بالله -

صحيح اننا نصلي و نصوم و بعضنا يرتدين الحجاب او النقاب ،

ولكن ليس هذا كافيا لدخولنا الجنه ،

ربما هذه الاعمال تمنع عنا عذاب القبر

او تمنع عنا سخط الله

لكن ليس بالضروره هي ما تدخلنا الجنه

او لعل هذه الاعمال و ليعاذ بالله باطله

شابهها بعض الرياء او غيره مما ادي الي بطلانها
:(
وربما اعملنا قد تجعلنا نقف علي جبل الاعراف ، و لا ندخل الجنه سريعاً،

لهذا ادعو نفسي و ادعو كل من يقرأ هذا الموضوع ،،

ان لا نترك اي عمل و إن كان صغيراً ، وان لا نسأل عن الاعمال

هل هي سنه ؟؟ هل هي فرض ؟

فربما سُنه صغيره متروكه قد تغير موازينك و تنقلك من وقوفك علي الاعراف الي دخولك الجنه

ولا ننسي الدرجات ف الجنه ،،

و هنا بعض السُنن المهجوره التي نُفرط فيها مع الرغم من بساطتها -في الاداء انما لها ثقلها في الميزان إن شاء الله -و سهولتها

1- سُنه غسل اليدين عند الإستيقاظ من النوم

"رويتم عن النبي - صلى الله عليه وسلم - أنه قال إذا قام أحدكم من منامه فلا يغمس يده في الإناء حتى يغسلها ثلاثا فإنه لا يدري أين باتت يدهقالوا : وهذا حديث جائز لولا قوله فإنه لا يدري أين باتت يده
"
2- صلاه الضحي "

صلاة الضحي سنة مؤكدة. واظب النبي - صلي الله عليه وسلم - عليها ورغب الناس
فيها. وأشاد بفضلها. فعن أبي ذر - رضي الله عنه - أن النبي - صلي الله عليه وسلم -
قال: "يصبح علي كل سلامي من أحدكم صدقة. وكل تسبيحة وتهليلة صدقة. وتكبيرة
صدقة. وتحميدة صدقة. وأمر بمعروف صدقة. ونهي عن منكر صدقة. ويجزيء
أحدكم من ذلك كله ركعتان يركعهما من الضحي".

3-قول الدعاء الوارد بعد انتهــاء المؤذن من الشهادتين

عن سعد أن رسول الله قال : من قال حين يسمع المؤذن [ أي بعد الشهادتين ] أشهد


أن لا إله إلا الله وحده لا شريك له ، وأن محمدا عبده ورسوله ، رضيت بالله


رباً وبمحمد رسولاً وبالإسلام ديناً ، غفر له ذنبـــــــــــــــه . رواه مسلم

4- الصـــلاة إلى ستــــرة

قال رسول الله : ليستتــر أحدكم ولو بسهــم


وعن نافع : أن النبي كان تركز له الحربة فيصلي إليها

*مزيد من التوضيح الستر هو وضع شيئاً امامك ف الصلاه حتي يعبر الناس من خلفه و لا يعبروا امام موضع سجودك *

5-صلاة ركعتين عند القدوم من السفر

عن كعب بن مالك قال : كان رسول الله إذا قدم من سفر بدأ

بالمسجد فصـــــلى فـــيـــه ركعــتــين

6- التسوك عند دخول المنزل

عن عائشة . قالت : كان رسول الله إذا دخل منزله بدأ


بالسواك . رواه مسلم .


وعن جابر قال قال رسول الله : إذا دخل الرجل بيته فقال


بسم الله ، قال الشيطان : لا مبيت لكم . رواه مسلم .


7- سنة أجرها كبير-قتل الوزغ

سنة مهجورة أجرها كبير - قتل الوزغ


عن أبي هريرة قال قال رسول الله : من قتل وزغة في أول


ضربة كتب له مائة حسنة ، وفي الثانية سبعين


حسنة . رواه مسلم .

* الوزغ : الوزغ من انواع الزواحف المؤذية*

8-التبكير إلى المسجد

عن أبي هريرة . قال : قال رسول الله : لو يعلمون ما في


التهجير لاستـبقـــوا إليــه . متفق عليه .


9- البداءة باليمين في لبس النعال

البداءة بلبس النعال باليمين


عن أبي هريرة . قال : قال رسول الله : إذا انتعل أحدكم


فليبدأ باليمين وإذا خلع فليبدأ بالشمال . متفق عليه

* التيمن عموماً مستحب :) *
* اللهم أجعلنا من اهل اليمين *


10-التسوك وقراءة آخر آل عمران عند القيام من النوم

التسوك وقراءة آخر أل عمران عند القيام من النوم


عن ابن عباس قال ( بت عند خالتي ميمونـة ، فقام النبي


من الليل ، فتسوك ثم قرأ العشر الآيات الخواتم من سورة


آل عمران ثم قام فتوضأ .... الحديث . متفق عليه


11-تبشير المسلم بما يسره

يسن تبشير المسلم بكل أمر يســـــره ويفرحـــه


قال تعالى : فبشرناه بغلام حليم


وقال تعالى : وبشروه بغلام عليم


وقال تعالى : يا زكريا إنا نبشرك بغلام اسمه يحيي


وفي توبة كعب قال : قام إليّ طلحة فهنأني وصافحني


فإدخال السرور على المسلم أمر محبوب للشرع وفيه


دحر وإغاظـــة للشيطـــان

12-أدعية تقال قبل السلام وبعد التشهد الأخير


1- اللهم إني أعوذ بك من عذاب جهنم وعذاب القبر


ومن فتنة المسيح الدجال ومن فتنة المحيا والممات


2- اللهم حاسبني حساباً يسيراً .


3- اللهم إني أعوذ بك من عذاب جهنم ومن عذاب


القبر .


4- اللهم إني ظلمت نفسي ظلماً كثيراً ولا يغفر الذنوب


إلا أنت فاغفر لي مغفرة من عندك وارحمني إنك


أنت الغفور الرحيم .


5- الهم أني أعوذ بك من البخل وأعوذ بك من الجبن


وأعوذ بك من أن أرد إلى أرذل العمر ، وأعوذ بك من


فتنة الدنيا وأعوذ بك من عذاب القبر .


هذه أحاديث نبوية صحيحة فيسن للمسلم أن يطبقها


13- تقال في السجود والركوع

عن عائشة : قالت : كان رسول الله يكثر أن يقول في


سجوده وركوعه : سبحانك اللهم ربنا وبحمدك اللهم


اغفرلي . رواه مسلم

14-سنة مهجورة ذكرها الشيخ ابن عثيمين


قال رحمه الله


من السنة إذا رأى الإنسان ما يعجبه في الدنيا أن يقول


لبيك إن العيش عيش الآخرة


لأن الإنسان إذا رأى ما يعجبه من الدنيا ربما يلتفت إليه


فيعرض عن الله ، فيقول لبيك : استجابة لله ، ثم يوطن


نفسه فيقول : إن العيش عيش الآخرة ، فهذا العيش


الذي يعجبك عيش زائل

15-دعــاء قليل من يعمــل به


عن ابن عباس : أذن المؤذن لصلاة الصبح فخرج النبي يقول :


اللهم اجعل في قلبي نوراً ، وفي لساني نوراً ، واجعل في


سمعي نوراً ، واجعل في بصري نوراً ، واجعل من خلفي


نوراً ، ومن أمامي نوراً ، واجعل من فوقي نوراً ، ومن


تحتي نوراً ، اللهم أعطني نوراً . رواه مسلم


16 -نفض الفراش قبل النوم

عن أبي هريرة . قال : قال رسول الله : إذا أوى أحدكم إلى


فراشه فليأخـــــــذ داخِلَـة إزاره فلـيــنــفــــض بها فراشه ،


ويسم الله ، فإنه لا يعلم ما خلفه بعده على فراشه .

17-سنة مهجورة في قيام الليل


يسن الافتتاح بهذا الدعاء في صلاة الليل


عن عائشة . قالت : كان النبي إذا قام من الليل


افتتح صلاته : اللهم رب جبرائيل وميكائيل


وإسرافيل ، فاطر السموات والأرض عالم


الغيب والشهادة ، أنت تحكم بين عبادك فيما


كانوا فيه يختلفون ، اهدني لما اختلف فيه


من الحق بإذنك إنك تهدي من تشاء إلى


صراط مستقيم . رواه مسلم

18-سنة مهجورة في الأذان


قول وأنا اشهد رضيت بالله ربا وبالأسلام دينا وبمحمد


رسولا وذلك بعد الشهادتين


عن سعد . قال : قال رسول الله : من قال حين يسمع


المؤذن أشهد أن لا إله إلا الله وحده لا شريك له وأن


محمدا عبده ورسوله رضيت بالله ربا وبمحمد رسولا


وبالإسلام دينا غُفر له ما تقدم من ذنبه . رواه مسلم


19-الدعاء في الركوع


من الأدعية المستحبة التي تقال في الركوع


كان رسول الله يقول في ركــــوعه :


( اللهم ركعت ، وبك آمنت ، ولك أسلمت ، خشع لك


سمعي وبصري ، ومخي وعظمي وعصبي .


رواه مسلم .

20- قراءة في سنة الفجر


عن ابن عباس ( أن رسول الله كان يقرأ في ركعتي الفجر


( قولوا آمنا بالله وما أنزل إلينا : البقرة ) وفي الأخرى


( قل تعالوا إلى كلمة سواء بيننا : آل عمران ) رواه مسلم

21-سنة مهجورة بالسجود

عن أبي هريرة . أن رسول الله كان يقول في سجوده :


( اللهم اغفر لي ذنبي كلَّه ، دِقَّه وجِلّه ، وأوَّلَه وآخره ،


وعلانـيـتــه وسره ) رواه مسلم .


***
*لو حد عنده لإضافه ياريت يبعتها لي *
*****


طبعاً هم كثير ،، لكن لو فكرنا هنلاقي ان عملهم مش هياخد مننا اي وقت

و ممكن الي شايف انهم كتير يدرج علي نفسه ،

وفي فكره حلوه ــ اننا نكتب كل سنه علي ورقه صغيره
ونلزقها علي الحيطه في الاماكن الي بنعد فيها ف البيت كتير

عشان كل ما عينينا تيجي عليها نفتكر و ف الاخر هنحفظها

ده غير ان كل حد ف البيت هيشوفها و يطبقها حسنات بقي :))

وكمان لو في سنه متعلقه بمكان معين

زي سنه ارتداء الحذاء // ممكن نلزق ورقتها علي الجزامه للتذكره عموماً :))

و تذكروا كويس لعل كلمه في دعاء هي الي تدخلك الجنه

وتذكر ان ربنا اعطانا نعم كتيييييييييير

فا كيف نبخل بعبادته ؟؟؟؟؟؟

* أخر حاجه ده الموقع الي نقلت منه السنن ،، هو جايب شرح لكل سنه بشكل لطيف :)

سُنن مهجوره .

مبدأياً ، لو ليك/ي ف الزعل و حساس و كده ،، يبقي بلاش تكمل قراءه لعل كلمه مني تضايقك وانا ف غني عن كده ، انما لو صدرك رحب " مع العلم اني مش هشتم طبعاً ولا هبقي منفره :)) ،، يبقي كمل :)

ثانياً : لو تصادف اني استشهدت بموقف و طلع اني بتكلم عليك/ي فا ارجو محدش يزعل لان غرضي الاول والاخير التنبه و النصيحه بشكل غير مباشر ، مش قصدي اضايق حد ،، متفقين ؟؟!

___

أولاً : أبو يحي اعتقد ان معظمنا سمع عنه و الي ما سمعش ــــ عن أبو يحي


و عشان نفعل القضيه بتاعته ،، نحط "تويبون" علي صورنا سوا "فيس بوك" " تويتر " TWIBBON


وكمان في وقفه لنصرته ،، يوم الاحد ،، الساعه 9 ،، دي التفاصيل ــ وقفه أبو يحي

وكمان ابقوا استخدموا هاش تاج #FreeAboYahia

طبعاً من غير ما أقول كل ده يتعمل له شير - لطفاً - يعني مش أمراً :))

الي مضايقني بقي ،

بعض البنوتات الرقيقات ،، رفضن وضع التويبون عشان الوانه مش متناسقه او الوانه بتضايقهم ،،

حقيقاً والله كان هيجري لي حاجه متصورتش ان ممكن سبب صغير يوقف فكره كبيره ،، او قضيه يعني ـــ كانوا قالوا لي مش عاجبنا اللون و كنا اتصرفنا مش طنشنا لحد ما اتعمل لون تاني متناسق مع رقتهن (A)

والله مش بنقد حد بتكلم عادي . ;)

والي قالي مش وقته نأجله شويه ، نأجلها؟؟؟ ده المسجون والله اكيد بتفرق معاه ساعه مش شهور و ايام ولا ايه ؟؟؟
نأجلها لامتي؟؟ لحد ما شخص تاني بتاخد من وسطنا ؟؟ و نقف نتفرج عليه ؟

وبعدين و احنا بنتكلم عن الوقفه في ناس قالت لي لا 9 بدري اوي هنروح 10 ، طيب تخيلوا في حفله حد بتحبيه الساعه 9 مش من 8 هنبقي هناك ؟؟ ولا عشان ابو يحي منعرفوش ؟

بصوا هي مش فارقه 9 من 10 من 11 حتي ، بس الي فارق تفكيرنا ،

هل وصلنا للدرجه ؟؟ هل وصلنا لدرجه عدم الاحساس بالاخرين كده ؟؟

ده حتي " من لم بهتم بأمر المسلمين فليس منهم "

هل خلاص اتعودنا ان مادام المشكله بعيده عني يبقي خلاص ؟؟

ده الي جايبنا ورا كـ ملسلمين للأسف :(

الناس في تقبلها للقضيه حسستني انه بابايا ، والكل تفاعل معايا بشكل سلبي و بارد ، "مع العلم ان في ناس كتير كانوا شعله و ناس فعلاً بعتمد عليهم ربنا يبارك فيهم :) "

لكن فين البقيه ؟؟؟ ده مسلم زينا و مصري زينا و اتحبس ظلم والكل عارف كده ، ومعامله سيئه جداً في سجنه ، " وصف اخوه لمآساته في السجن "

وإحنا ضغطه ماوس بخلانين بيها ؟؟


ولا وقفه ساعتين تلاته ف الشمس بقت مآساه بالنسبه لنا؟؟؟

هو الناس مش متخيله مدي حجم الثواب الي ممكن ياخدوه بالضغطه دي ؟؟

لعل واحد سعيد القدر لما يعمل ريتويت عن قضيه أبو يحي توصل لحد يعرف يعمل اي حاجه و ف الاخر يبقي سبب بعد الله سبحانه و تعالي ف خروج أبو يحي ،،

ليه محدش فكر و تنافس علي انه يبقي الشخص ده ؟؟

طب ده ع الاقل هناخد ثواب النيه :)

ولا إحنا كمان في غني عن الثواب :\ ؟

يا جماعه خلونا كلنا نقف دقيقه مع نفسنا ، و نجدد نيتنا تاني ، عشان نيتنا هي الي هتحركنا

"وهي الي هتهون علينا ضغطه الماوس الشريره و لا الوقفه الصعبه تحت اشعه الشمس الحارقه :D"

وف الاخر و ف الاول ابو يحي او اي حد تاني ،، هيطلع يوم ما ربنا يأذن مالهاش علاقه بكل الحاجات دي ،، انما احنا اسباب و نتمني اكيد كلنا ان ربنا يستخدمنا و لا يستبدلنا صح :) ولا ايه :) ؟

أرجو محدش يبقي زعل :)) دي تذكره ليا قبل ما تبقي لاي حد ،، =)

من هو أبو يحيى؟
هو مفتاح محمد فاضل، اشتُهر بـ (أبو يحيى) من مواليد 1968
رجل أعمال، مهتم بمجال مقارنة الأديان، ومن المهتمين بمساعدة المسلمين الجدد في إجراءات إشهار إسلامهم، ومساعدتهم في الناحية العلمية والمادية.
أبو يحيى هو مُفجر قضية كاميليا شحاتة، القضية التي أحدثت جدلا كبيرا في الشارع المصري، ومن بعد تفجير هذه القضية وهو يتعرض للأذى من قبل أمن الدولة واعتُقل مراتٍ عديدة ولاقى أشد أنواع التعذيب على يد ضباط أمن الدولة.
بعد الثورة، سمعنا عن فتاة اسمها عبير في امبابة وأنها أشهرت إسلامها، والبعض يُنكر أنها أسلمت، الخلاصة أن اللغط الذي أثير بخصوص هذه الفتاة نتج عنه أحداث مؤسفة في امبابة سُميت بفتنة امبابة.
تم بعدها القبض على أبي يحيى بتهمة التحريض في أحداث امبابة، وحتى الآن وهو في السجن على الرغم من أن الرجل لم يكن في القاهرة من الأساس أثناء وقوع الأحداث.. وإضافة إلى ذلك كان أبو يحيى هو من اتصل بقائد الشرطة العسكرية (حمدي بدين) وهو من أبلغه عن اللغط الحاصل في امبابة حول الفتاة المذكورة، ليكتشف أنه المتهم الثاني في القضية!
إضافة إلى هذا، اسم المتهم وسنه وسكنه في أوراق القضية لا يتطابقان مع بيانات أبو يحيى وفقا لشهادة شقيقه رجب محمد فاضل
----
قد تختلف مع توجهات أبو يحيى وذلك لأنه أثار قضايا تبدوا حساسة، لكن هذا الاختلاف لا يبرر أبدا أن تتخلى عن نصرة هذا الرجل بعد أن قرأت عنه وعرفت شيئا عنه..
ما دفعني إلى كتابة هذه التدوينة القصيرة هو تعريف الناس بهذا الرجل لأن أشخاصا كُثر يخلطون بينه وبين أبو أنس الذي قال في أحداث امبابة: "منبقاش رجالة، لو مولعناش في كنايس امبابة" وبهذا الخلط يسبون أبا يحيى وتهمونه بالتطرف..
لما كتبت على موقع "تويتر" أنا ومجموعة من الشباب عن أبي يحيى، مطالبين بالتضامن معه، وصلتنا أسئلة عنه، وطلب مني البعض أن أكتب عنه حتى تتضح الأمور..
أخيرا: المعلومات البسيطة المكتوبة أعلاه عن أبي يحيى من أشخاص يعرفونه بشكل شخصي، وهي معلومات تأكدت منها بنفسي من أولئك الأشخاص.

كتبه : أنس عقيل ،،

والفيديو الذي تحدث عنه ــــ شقيق أيو يحي يحكي مأساته في داخل السجن

تقول المتبرجة : إننى أحب الله وهذا يكفي

تقول المتحجبة : يقول الله سبحانه وتعالى ( قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ )

(2)

تقول المتبرجة : إن الدين يسر

تقول المتحجبة : يقول الله سبحانه وتعالى ( يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ )

.. ولقد أمر الله بالحجاب للتيسير و الحفظ والعفة والطهارة

(3)

تقول المتبرجة : إن التبرج أمر هين

تقول المتحجبة : يقول الله سبحانه وتعالى ( وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )

(4)

تقول المتبرجة : إننى مازلت صغيرة وسوف أتحجب عندما أكبر

تقول

المتحجبة : يقول الله سبحانه وتعالى ( وَلِكُلِّ أُمَّةٍ أَجَلٌ ۖ فَإِذَا

جَاءَ أَجَلُهُمْ لَا يَسْتَأْخِرُونَ سَاعَةً ۖ وَلَا يَسْتَقْدِمُونَ )

.. عزيزتي المُغَّيَبَة الموت لا يعرف صغيرًا ولا كبيرًا

(5)

تقول المتبرجة : سوف أتحجب بعد الزواج

تقول المتحجبة : يقول من لا ينطق عن الهوى صلى الله عليه وسلم ( إن العبد ليحرم الرزق بالذنب يصيبه ) فقد يحرمك الله من الزواج

فهل تعلمين ماذا يأتيك من قدر وهل أنت واثقة من بقاء النفس في صدرك لحظة واحدة حتى تنتظري المستقبل لتطيعي الله ؟؟

(6)

تقول المتبرجة : إن زوجى لا يرضى بالحجاب

تقول المتحجبة : يقول من لا ينطق عن الهوى صلى الله عليه وسلم ( لا طاعة لمخلوق في معصية الخالق )

ويقول الخالق عز وجل : ( يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ )

فمن يصرفك عن طريق الحق وطريق الجنة

هو عدو لك

(7)

تقول المتبرجة : أتحجب عندما أقتنع بالحجاب

تقول المتحجبة : يقول الله سبحانه وتعالى ( وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ

الْخِيَرَةُ مِنْ أَمْرِهِمْ ۗ وَمَنْ يَعْصِ اللَّهَ وَرَسُولَهُ فَقَدْ

ضَلَّ ضَلَالًا مُبِينًا )

(8)

تقول المتبرجة : إن الحجاب يعوق عن التعليم والعمل

تقول المتحجبة : يقول من لا ينطق عن الهوى ( من ترك شيئا لله عوضه الله خيرًا منه )

.. رضا الله وجنته أغلى من كل شىء ..

( ألا إن سلعة الله غالية ، ألا إن سلعة الله الجنة )

(9)

تقول المتبرجة : أخشى من سخرية الناس

تقول المتحجبة : لك الفخر و المثوبة فلقد استهزءوا بالنبى صلى الله عليه وسلم

ووصفوه بالمجنون والساحر والكاهن .. فهذا هو طريق الأنبياء والصالحين

والمؤمنين

(( إِنَّ الَّذِينَ أَجْرَمُوا كَانُوا مِنَ الَّذِينَ

آمَنُوا يَضْحَكُونَ * وَإِذَا مَرُّوا بِهِمْ يَتَغَامَزُونَ * وَإِذَا

انْقَلَبُوا إِلَىٰ أَهْلِهِمُ انْقَلَبُوا فَكِهِينَ * وَإِذَا

رَأَوْهُمْ قَالُوا إِنَّ هَٰؤُلَاءِ لَضَالُّونَ * وَمَا أُرْسِلُوا

عَلَيْهِمْ حَافِظِينَ * فَالْيَوْمَ الَّذِينَ آمَنُوا مِنَ الْكُفَّارِ

يَضْحَكُونَ * عَلَى الْأَرَائِكِ يَنْظُرُونَ * هَلْ ثُوِّبَ الْكُفَّارُ

مَا كَانُوا يَفْعَلُونَ ؟؟ ))

(( زُيِّنَ لِلَّذِينَ كَفَرُوا

الْحَيَاةُ الدُّنْيَا وَيَسْخَرُونَ مِنَ الَّذِينَ آمَنُوا ۘ

وَالَّذِينَ اتَّقَوْا فَوْقَهُمْ يَوْمَ الْقِيَامَةِ ))

(10)

تقول المتبرجة : لا أطيق الحجاب فى الصيف والحر

تقول المتحجبة : يقول الله سبحانه وتعالى ( قُلْ نَارُ جَهَنَّمَ أَشَدُّ حَرًّا ۚ لَوْ كَانُوا يَفْقَهُونَ )

(11)

تقول المتبرجة : المجتمع كله هكذا (مبدأ : ده العادي دلوقتي)

تقول المتحجبة : تلك و الله أسوأ مقالة لأهل النار وأغبي حجة لهم

( وَإِذَا قِيلَ لَهُمْ تَعَالَوْا إِلَىٰ مَا أَنْزَلَ اللَّهُ وَإِلَى الرَّسُولِ

قَالُوا حَسْبُنَا مَا وَجَدْنَا عَلَيْهِ آبَاءَنَا ۚ .. أَوَلَوْ كَانَ

آبَاؤُهُمْ لَا يَعْلَمُونَ شَيْئًا وَلَا يَهْتَدُونَ ؟؟ )

وقال العليم الحكيم ( وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ

عَنْ سَبِيلِ اللَّهِ ۚ إِنْ يَتَّبِعُونَ إِلَّا الظَّنَّ وَإِنْ هُمْ

إِلَّا يَخْرُصُونَ )

(12)

تقول المتبرجة : إن طهارة القلب تغنى عن الحجاب

تقول المتحجبة : لو طهر القلب لاستقامت الجوارح لخالقها ..

فقد قال من لا ينطق عن الهوى صلى الله عليه وسلم ( إن في الجسد مضغة : إذا صلحت صلح الجسد كله

، وإذا فسدت فسد الجسد كله ، ألا وهي القلب )

أخيرااااااااااااااااااااااااً

الحــــــلال بَيـِّـــن ، والحــــــرام بَيـِّـــن

ما يضايق المنتقبات :

اولا من غير تعريف طبعا الكل عارف ايه هو النقاب ,, و برضه من غير ما ندخل في نقاش هل هو عباده ام عاده ام سنه ام فرض

خلوني اكلموا علي الحاجات الغريبه الي بتحصل لكل المنتقبات - تقريبا - و بتسبب لهم ذهول و تعاسه في بعض الاحيان للحساسات ^_^

1- المعاكسات :

معلش مش قادره افهم يعني ايه واحد يعاكس منتقبه ؟؟؟ معاليك شايف منها ايه غير عنيها ؟؟؟

وبعدين يا معاكس منك ليه ,, ما البنات ماشيين قدامكوا بكامل هيئتهم ليه تيجو عند المنتقبه و تبصوا ,, يعني الحمد لله البنات التانيه مش حرمنكوا من حاجه احمدوا ربنا بقي و اتلموا :@

وبعدين يعني ايه واحد يعاكس واحده منتقبه يقول لها يا قمر ,, عمري ما عرفت ان من الشنطه او الشوز ممكن يتعرف شكل البنوته O.o

2- يعتبرونك كائنه فضائيه :

اي مكان تروحيه لازم لازم لازم مش اقل من نص الموجودين يبصوا لك بصه اعوذ بالله من غضب الله ,, ليه يا جماعه كده حتي المنتقبات دول شبك جدا و الاسود الي بيلبسوه تحفه :)))

وبعدين لازم علي الاقل 50 بنت يبصوا لك شزرا ,, و لسانهم بيقول اف مليتوا البلد ,, يا زكيه منك ليها ده احنا كده سبنا لكوا البلد ,, احنا بنتغطي عشان نسيب لكوا انتوا .... ;)

بستغرب بقي من حاجه ,, المفروض و المتعارف عليه يعني ,, ان المنتقبه دي من الناس مش هقولك مش بتغلط بس يعني هي سمت اسلامي ,, ازاي بقي في بعض الرجال بيفهموها غلط ؟؟؟؟امال المتبرجات صاحبات اللبس الجارح لعيون حتي الفتيات ,, و الميك اب الصارخ ,, دول تفهموهم ازاي ؟؟ مش هخوض ف الموضوع ده هو مفهوم يعني ..

والحاجه الاكثر استفزازا علي الاطلاق ,,, اما حد ينادي واحده منتقبه ,, يا مدام و يا حجه ,,

طيب بالعقل لو شفنا بنوته تخينه و طويله ,, اه ممكن نقول مادام وحجه ,, انما والله قدامي بنات شكلهم مقطط جدا ويقولها يا مدام ,,

حاجه تحرق الدم ,, لا ولو تلاقي راجل اصلا اكبر من باباكي و يقولك يا امي O.o

وبعدين بقي تريقه سعات ,, لو جيتي تتصوري ,, يقولوا لك هو هيبان يعني ,, ليه لابسه نقاب الاخفي و لا ايه :D

وطبعا بيبان و احلي صور الي فيها منتقبات ,,

لا وسعات لو في مكان عام للاكل ,, تلاقي الناس معديه تبص عليكي ,, كائن فضائي بقي ,, عشان اكيد عاوزين يشوفوا ازاي هتمرري الاكل من خلال النقاب من غير ما ترفعيه :D

ولو دخلتي محل اكسيسوريس ,, يبصوا لك بصه : ايه ده مش انتي منتقبه ؟؟

و لما تعدي من قدام اي محل الكترونيات ,, تقولك : يا فندم معانا عرض علي المصحف الالكتروني :D

ده علي اساس المنتقبات دول ليل نهار علي سجاده الصلاه بس ,,

ولما تغلطي بقي و تروحي تشتري كتاب ,, يعدوا الناس يبصوا علي الي جبتيه ,, اكيد كلها فقه السيره و ابن كثير ,, لو طلع مثلا كتاب رومانسي او اجتماعي ,, ممكن تشوفي اغرب علامات دهشه ف حياتك :D

انا معرفش مين اول واحد دخل الفكر الغريب ده للناس ,, بس بجد الناس اوفر اوي مع المنتقبات ,, زمان من كام سنه كده كان فعلا زي غريب ,, دلوقتي بقي منتشر جدا ,, نادر انك تلاقي حد ميعرفش حد منتقب ,, سوا صاحبتها جارتها زملتها قريبتها ,, الموضوع بقي منتشر

وبقي المفروض فاميلير ,, لكن الناس مخها تربس علي فكره و خلاص ,,

فا انا احب اوجه من هنا كلمه واحده للناس دي و اقولهم ,, ارحموا الناس ربنا يرحمكوا عشان الموضوع سعات بيمسخ اوي ,,

صدقه جاريه =)

مدينه دايجون ..

في كوريا الجنوبيه يقطنها حوالي 500 مسلم ,,

ولا يوجد في هذه المدينه مسجد وتقام صلاه الجمعه بشقه مؤجره بمبلغ شهري باهظ جدا حوالي 5000 جنيه مصري ,, وهي لا تتسع لاكثر من 100 فرد ,,

المسلمون هناك في فرقه كبيره بسبب عدم وجود المسجد الجامع لهم ,, وبسبب عدم وجود الدعاه المتخصصين ,,

ولا يوجد أي يد عون في هذين المجالين من المؤسسه المسؤله عم المسلمين في كوريا ,, في الغالب بقله المال ,, ولعدم وجود دعاه ,,والدعوه هناك باللغه الانجليزيه لجميع الجنسيات المختلفه فهي اللغه المقبوله لدي الجميع ,,

ما تم جمعه خلال الاعوام الماضيه 200000 مائتا الف دولار ومطلوب مبلغ يوازي هذا المبلغ لشراء مبني جاهز مكون من طابقين أو ثلاثه وشراء أرض فضاء خاليه مكلف جدا قد يصل لعشره مليون دولار ,,

**الخلاصه ..

1-الحاجه الماسه لمسجد جامع يجمع شتات المسلمين هناك و يكون محور لتثبيت المسلمين علي دينهم ويكون نقطه انطلاق لدعوه الكوريين للاسلام مع العلم بأن المبشرين الكوريين يحتلوا المرتبه الثانيه في العالم من حيث العدد وكل يوم هناك تقام كنيسه جديده ,,

2- الحاجه الماسه للدعاة والذين يجيدون اللغه الانجليزيه لرفع عبء عمن ليسوا أهلا لذلك من طلبة الماجستير او الدكتوراه حيث أنهم غير مؤهلين وليسوا من طلبه العلم الشرعي مع العلم أن ألاخ المصري المسؤل هناك الان هو أحد أعضاء مجلس الاداره لهذا المصلي وهو الوحيد الذي باع في الدعوه والخطابه علي أرض مصر قبل الانطلاق الي هناك وهو القائم فعليا بالمشاركه في خطب الجمعه ,, ودرس يوم السبت حسب ما لديه من علم شرعي ونحسبه علي خير و الله حسيبه ,,

****نرجو في حاله اتخاذ اي أجراءات أن يتم إخبار المسئول عن المسلمين هناك و هو د.خالد وايميله هو

abu_mazen77@yahoo.com

وهو علي صله وثيقه بمفتي كوريا الشيخ عبد الوهاب السوري الجنسيه والمقيم هناك منذ 20 عاما و علي درايه تامه بالموضوع ,,

**ملحوظه من اراد التواصل مع الدكتور خالد عن طريق الايميل ,, يجب ان يتصل به اولا لاختلاف التوقيت بيننا ,,

رقمه 821072158477+

او 821072258477+

والskype

khaled55eg


ملحوظه ابتهاليه .. الكلام ده انا واخداه من واحده نحسبها علي خير جدا ,, وهي تحققت من الموضوع قبل ما تديهولي انشره :)

نعمه الاسلام

اذكر ان من 14 او اكتر وانا ف اولي ابتدائي ..ولان مدرستي كانت اسلاميه بفضل الله ,, مره المدرسه وسط كلامها قالت لنا ,,

"الحمد لله علي نعمه الاسلام" ,, سعتها انا عملت كده O.o

وقلت الاسلام نعمه ازاي ؟؟!!!

انا اعرف ان النعم يعني اكل ,, او يعني ان الحمد لله ربنا اداكي رجلين عشان اعرف اجري مع الاطفال ,, او الحمد لله عندنا فلوس عشان اخد مصروف اجيب حاجات حلوه ,,

انما الاسلام ازاي نعمه ؟؟؟

ما ماما و بابا و جدي وجدتي وخلاتي باولادهم بأصحابهم بجيرانهم بجارنا بصاحبنا بكل مدرستي بأهلهم بجرانهم بصحابهم ,, كلنا مسلمين

يبقي نعمه ازاي؟؟؟

ودماغي مالقتش تفسير منطقي -بحكم سني الصغير جدا يعني -

فا لا ارادي تناسيت الجمله دي ,,,

جيت بقي ف سنه رابعه ,,, ولقيت برضه مستر تاني قالي الاسلام نعمه ؟؟!! O.o

انتوا ناويين تجننوني ولا ايه ؟؟

اعدت برضه احاول اقلب الفكره ف دماغي وافهم ازاي يعني هو الاسلام زي الاكل يعني ؟؟؟

وبرضه لم اتوصل لحل .. الغريب ان الجمله دي بدأت تتكرر بشكل شنيع .. لدرجه اني ما بقتش اقف عندها وافكر فيها زي اول مرتين ,,

بقيت بعديها ,, الاسلام نعمه .. اه طبعا نعمه وخلاص ,, هو حاسيين انه نعمه خلاص نمشيها نعمه :D

لما بقي كبرت و ربنا كرمني و دخلت الجامعه ,, وربنا كرمني الحمد لله و دخلتها برضه اسلاميه ,,

مره وانا بذاكر سيره ,, سرحت كده ولانها كانت لحظه تجلي ,, افتكرت جمله الحمد لله علي نعمه الاسلام وكفي بها نعمه ,,,

قلت فعلا دي نعمه و مش اي نعمه دي فعلا -ودي تسميتي ليها- ملكه الانعم كلها ,,

تخيلوا كده ان ربنا منّ علينا من فضله و اختارتنا من وسط ملاينين غيرنا ,, و خلانا نولد فنجد اهلنا علي دين الاسلام ,,

طيب فرضا - وده سؤال سألته لنفسي - كنت اتولد ولقيت اهلي مجوسين O.o

او اي ديانه تانيه .. كنت يا حرام هعبد اي اله غريب من الاله دي و اعد طول حياتي .. كالانعام بل اضل ,, وبعدين اموت اي موته زيي زي

اي قط او عصفور او حتي صرصار ,, وبعدين انزل القبر الملائكه تسألني

من هو ربك ,, معرفش ارد او اقول اي اله من الالها الي كنت بعبدها ,,

من هو نبيك ,, نبي؟؟

ما هو دينيك ,, المجوسيه او اي دين اخر ,,

وبعدين قبري يبقي حفره من حفر النار - وليعاذ بالله -

وبعدين اُبعث يوم القيامه أخد - وليعاذ بالله - صحيفتي بشمالي ,, و يبقي وجهي مسدوا ,,

ولما ربنا ينادي عليا الملائكه تاخدني وتجرني الي النار جرا - وليعاذ بالله - و خلود ف النار ,,,

واتعذب للابد ؟؟؟!!!

كل ده عشان ربنا لم ينعم عليا بالاسلام ,,؟؟؟ كل ده عشان ربنا لم يختارني لاكون مسلمه ؟؟ شوفتوا الاسلام فعلا نعمه ازاي ,,

والغريب بقي جدا ,, ان بعد كل ده ,, وبعد ما ربنا يمن علي حد بالاسلام .. تلاقيه زي الانعام بل اضل والله ,,واضل بمراحل كمان ,, يتنصر او يدخل اي دين تاني

وسيب الاسلام بملء الاراده ,,

ده اي عقل الذي يقبل الكلام ده ,, واي جحد للنعمه هذا ؟؟

واي منطق او تفكير ؟؟

ده بدل ما يحمد ربنا كل يوم علي النعمه دي ,, لا ما يحدمش و كمان يسيبها ,,

فعلا احنا كلنا لازم نحس المعني ده ,, لازم نستشعر عظمه النعمه دي ,,

ومش دلوقتي بس او بكره بس ,, لا كل يوم في حياتنا ,, عشان طول ما احنا مستشعرين النعمه دي ,, هنفضل علي طول بنحاول نبقي قدها ,,

هيخلينا طول الوقت بنحاول نوفق بين اعملنا و بين النعمه دي عشان نحمد الله الحمد الذي يليق بها ,,

وعلي فكره لازم نتفكر مش بس ف النعمه دي ,, انما في انعم الله جميعها ,, عشان كلما زاد تفكرنا ,, كلما ان شاء الله زاد عملنا ,, و هو المطلوب منا قبل اي شيء :)

واخيرا كلمه اوجهها للمعلمين

في كل بقاع الارض ,, ياريت حاجه بالاهميه دي ما تتقلش في اي وقت ,,

بمعني,, ان متعودناش علي سماع الجمله دي بدون فهم منا حتي لا تفقد معناها العظيم عندنا ,, يعني ما انا لولا فضل الله اني تفكرت فيها ووصلت لمعناها الجميل ,,

انما ممكن غيري ما يوصلش و تضيع معني الجمله عشان هو اتعود يسمعها ,,

وكمان يا ريت يتم اختيار مرحله سنيه متقدمه عشان يستوعبوا الجمله ,, مش اي مرحله عمريه يعني ,,

بس :))))


الحمد لله علي نعمه الاسلام و كفي بها نعمه يا رب :))))))